Shillong, Jylliew 27: 
Ki nongtrei jong ka Meghalaya Transport Corporation (MTC) jong ka jylla Meghalaya mynta ka sngi kila pynlong ia khih ka jong ki ha phyllaw jong ka ophis kaba don ha police Bazar da kaba rah ia ki placard.
Katkum ka jingkren jong ki nongtrei jong ka MTC kila ong ba ka sorkar kala thmu ban weng noh ia ka Managing Disrector ka kong A. Nikhla, na katei ka Coporation, na ka liang jong ki nongtrei ki dang kwah ba kan don ha kane ka corporation namar ba ha ka jinglong MD jong ka ka MTC kala sdang ban im biang.
Haki placard la thoh ba dei ban pynneh pynsah ia ka MD na ka bynta ban iada ia ki jingdon jingem jong ka MTC, ban lait ka die lilam ia ki jaka puta jong ka MTC dei ban pynneh ia ka kong Nikhla, ki nongtrei jong ka MTC kila dawa ba ka sorkar ka dei ban weng noh ia ka hukum ban transfer noh ia ka.
Na ka liang jong ki nongtrei ka MTC kila ong ba ka sorkar kala dep ban pynkynriah ia ka kong A Nikhla kum ka Managing Director jong ka MTC, dei na kane ka daw ba kane ka jingiakhih ka jong ki mynta ka sngi ha phyllaw jong ka ophis ka long ban dawa na ka sorkar ba ka dei ban weng noh ia kane ka hukum pynkynriah kam kum ka MD.
