Shillong, Jylliew 24: Mynta ka sngi kala don ka jingiatyngkhuh kali ha Mookyndur kaba hap ha West Jintia Hills ha kane ka jingjia u wei u la iap ha shen bad san ngut kiwei pat kila mynsaw jur. Kane ka jingia tyngkhuh kali ka long ba kawei ka kali Bolero kaba don na Silchar kala leit ban tynrah ia ka trok kaba ieng ha katei ka jaka.
Kane ka jingjia kala jia ha ka por kumba lai baje tam. Kane ka kali ka mut ban wan sha Shillong, kine kiba la mynsaw ki long ka Madhumika Chnanga 21 snem, u Amrit Dev 27 snem, u Nishideep Choudhury 30 snem, u Biplip Bhattacharya 26 snem bad u Rasandeep Choudhury 30 snem. Ia u ba iap um shym pat ioh kyrteng. Ia kiba mynsaw la pynkit da ka kali ambulance 108.
