Shillong, Kyllalyngjot 01: Ha ka 30 tarik jong u bnai Nohprah 2016 u wei u khynnah samla u ba la tip kyrteng kum u Benjamin Manik Syiem u ba dang 18 snem ka rta u la iap jyllop ha ka wah ha Shnongpdeng katba u dang jngi ha ka por jan miet.
Katkum ka khubor pulit ki iathuh ba une u khynnah u dei na Madanriting bad kila ia leit sha katei ka jaka ban leit kai sngewbha bha hynrei kala wan lap noh kane ka jingjia kaba sngewsih. Ki pulit kila pyndep ia kaba don kam bad aiti noh ia ka met sha kiba ha iing bad ka jingtohkit ka dang iaid ong ki pulit jong ka West Jaintia Hills District.
