Shillong, Lber 22: Ki pulit jong ka South Garo Hills District mynta ka sngi kila ioh ban pynlait ia u Akhilesh Singh Chauhan na ka kti jong ki nongrah bor na ka shnong Upper Dosogre bad la ioh ban kem ar ngut.
Ki pulit jong ka South Garo Hills District la iathuh ba ha ka 20/3/2024 kila ioh ia ka jingtip ba u wei u briew bala tip kyrteng kum u Akhilesh Singh Chauhan u la shah rahbor ha ki briew kiba ym lah ban ithuh na jingkeing Rondik ka jaka ba pyntrei ka kompeni.
Na ka liang jong ki pulit kila pynlong ia ka jingthwet ia kitei ki riew sniew bad ha ka 21/3/2024 la don ba phone bad kila dawa pisa T.50 lak tyngka na kiba ha iing bad na u manager jong ka kompeni ba pynshna ia ka jingkieng bad kila byrgnem bala day m sniew hapoh lai sngi kin shim ia ka jingim.
Ha ka jigntohkit la shem ba ki don saw ngut ki briew kiba suba don kti ha kane ka kam rah bor bad kita ki long u Wilban M Sangma 30 snem, u Withmill S marak 29 snem, U Lathin M Sangma bad u Rongsrang M Sangma.
Na ka liang jong kiba ha iing ha sem bad na ka Kompnei ruh kam pat siew pisa sha ki nongdawa, ha kane ka jingkhynra ki pulit na ka jaka ba kila ioh ban pynlait ia u Akhilesh na ka shnong Upper DOsogre kila ioh ruh ban kem ia u Wilban M Sangma bad ia u Withmill S Marak.
Na kine ki ar ngut kiba la shah kem ki pulit kila ioh ban kurup kawei ka suloi tynsah, ar tylli ki Mobile phone, ki pulit kila ong ba kitei ki saw ngut ki don ka jigniadei bad ki kynhun seng lehnoh ha ki por kiba la dep ha South Garo Hills District, ia kane ka ejahar la register ha Siju Police Station No. 01(03)2024.
