New Delhi, Lber 07: Ka President jong ka ri, ka DroupadiMurmu ka la pynkup burom da ka khusnam Sangeet Natak Akademi Awards na ka bynta ki snem 2022 bad 2023 sha 91 ngut ki barikor ba pawkhmat ha ka kam performing arts ha ka prokram kaba la long hynnin ka sngi ha VigyanBhawan, New Delhi.
Ka Kong Helen Giri na Meghalaya i la iohpdiang ia ka khusnam Sangeet Natak Akademi na ka bynta u snem 2023 na ka bynta ka jingnoh synniang jong ka sha ka put ka tem tynrai jong ka jylla Meghalaya.
La kha ha ka 7 tarik Rymphang 1944, i Kong Helen Giriilong i barikor ba tbit ha ka put ka tem tynrai na Meghalaya, bad ki paw bha namar ki sienjam ban kyntiew bad pynneh ia ki jingshad Khasi tynrai.
Kum ka nongrwai tynrai ba pawnam jong ka All India Radio, i la don ka bynta kaba khraw ha ka jingwanrahiaka put ka tem Khasi tynrai sha ki rynsan jong ka ri. Ki jingiashim bynta jong i kum ka nongrwai ha ka jylla, hapoh ri bad shabar ri ka la wanrah ka jingithuh.
I Kong Helen Giri i la iashim bynta ha ki prokram bad ki tamasa bapher bapher, hynrei i la pynlong ruh ia ki tamasa tang na ka bynta ka put ka tem bad ka jingshad tynrai ha Meghalaya, kaba ka imlang sahlang ka la pdiang bha.
Lyngba ka jingtrei shitom jong i, i la wanrah ka jingpynthymmai ha ki kam saindur bad ki kam kiba iadei bad ka deiritikhamtam ha ki dustur tynrai jong ki Khasi. Shuh shuh, kala shim ia ki sienjam ban wad ia ki nongsaindur ba la tbit bha kiba la ioh jinghikai pyntbit ha ki thup bapher bapher jong ki tiar tem.
Kane ka jingpyrshang ym tangba ka la pynnehpynsahia ka jingsaindur ia ki tiar hynrei ka la long ruh kum ka lad kamaikajih ha ki shnong ba i la kyrshan. Ki jingnohsynniang jong i ki la kyntiew ia ka jinglong ka deiriti jong ka jylla Meghalaya.
Ka Kong Helen Giri i la iohpdiangia ka khusnam Padma Shri na ka bynta ka jingnohsynniang jong i sha ki kam saindur bad ki kam kiba iadei bad ka deiriti jong ka Meghalaya ha u snem 2008.
