Shillong,Lber 26: Ka ophis jong ka Border Area Development Officer (BADO) kaba don ha Mawksieng ha Mawsynram kala jot bha ha kaba ki ieit kiba bun jong kane ka ophis kila pait ia kaba la ieh khlem maramot la bun snem.
Kane ka ophisa kaba la buh hapoh katei ka jaka kaba hap hapoh jong ka Mawsynram Community bad Rural Development kaba dei peit ia ki skhim kiba dei na ka bynta kito ki shnong kiba don ha khappud kiba dei jong ka sorkar pdeng.
Kane ka ophis kaba la don ha katei ka jaka kala long ka jingiarap ia ki paidbah ka Mawsynram kaba la pynjan ia ki paidbah na ka bynta ki skhim jong ka sorkar pdeng, hynrei kane ka ophis ki iiet kiba bun kila pait bad ha ka por slap kala buh wat ia ki nongtrei ha ka jingeh.
Kumba la tip ba ka Mawsynram ka dei ka jaka ba jur slap tam eh ha ka pyrthei kane ka jingpait jong ki iiet kala buh ha ka jingeh khamtam ha ka por slap bad kiba bun ki kyntu ia ka sorkar ba kan peit lem ia kane ka ophis kaba don kam ban maramot ia ka.
