Shillong, Jylliew 30: Ka Nangiaitei Foundation ryngkat ka jingiatreilang bad ka ophis jongu Deputy Commissiner, East Khasi Hills lem bad ka Meghalaya State Badminton Association kan pynlong ia ka Shillong Inter School Badminton Championship 2014 naduh ka 22 tarik haduh 24 tarik u Naitung ha Indoor Stadium, Lachumier Shillong.
Ha kajuh ka port la pyntip ba ka MSBA kan pynlong ruh ia ka 3rd Inter District Badminton Championship 2014 ha ka 25 bad 26 tarik u Naitung ha kajuh ka jaka.
Ia ki entry phom na bynta kane ka lympung ialehkai lah ban ioh na ka ophis na Indoor Stadium, Lachumier, Shillong naduh ka por 4 baje haduh 7 baje ha ki sngi long trei. Ka tarik ba khadduh ban pynpoi ia ki phom ba la dep pyndap kan long ha lane shwa ka 17 tarik.
Na ka liang ka MBSA ka la wer ia ki skul ban iashim bynta ha kane ka lympung ban pynlong ia ka prokram kaba jop.(SP News)
