Shillong, Rymphang 14: U bah Genrous Warlarpih president ka seng ki nongotdoh masi ka Khasi bad Jaintia Butchers Association (KJBA) la ong ba ka jingeh jong ki nongotdoh masi ha ka jylla kaba ki ia kynduh mynta dei na ka daw jong ka ain bala pyntrei kam da ka jylla Assam ia kaba la tip kum ka “Cattle Prevention” Act 2021.
U bah Genrous haba kren ha u SP News Agency la ong ba ka daw bah ba ki ia kynduh jingeh mynta ha kane ka kam otdoh ka dei na mar ka ain ba la pyntrei kam da ka sorkar Assam ia ka Cattle Prevention, Act 2021, kum ki nongotdoh ha ka liang jong kim nangshuh ban ia pyrkhat kumno ban leh.
U Bah Genrous u la ong ba don kam ia ka sorkar jylla ba kan leh ei ei halor kane ka bynta lyngba ka tnad ri jingri bad haba ia dei bad ka jingai jingbit ka sorkar 30 ngut kiba la pan jingbit, na ka liang jong ki ki khlem shim khia shuh namar kam kren sha phang ki masi ban otdoh.
Ka jingai jingbit ban kit masi ia kaba la tip kum ka “Transit pass” kam shym kren ei ei ia kata ka jingotdoh, lada ka kren pynban ia ka jignotdoh dang lah kein ban kren ki don kam katno, mynta kam lah ban ia kren namar ka ktien otdoh kam don kam don jingmut shuh ban ia kren.
Ha ka jingialang ba dang shen jong ka seng kim shym la ia kren shuh ia katei ka jingpan TP, na ka liang jong u principal secretary ka jylla ruh u la kren ia kata ba yn nym lah ban thoh ia ka ktien otdoh kaba ki don kam dei na kane ka daw ba ki khlem ia kren ei ei shuh.
Ka TP kaba ki ai ka kren ia ka ban ri masi khem dut, ban pyndon ha ka rep ka riang, katba ka kam jong ki ka long ban otdoh dei na kane ka daw ba ki khlem ia kren ei ei shuh ha kaba ia dei bad kata ka jingpan T.P ban kit masi lada kam kren shai ban ot doh ki sngap noh hynrei ki ioh ba ki phah sha Bangladesh.
