Shillong, Lber 21: U bah B Wahlang Chief Engineer jong ka MePGCL la ong ba kaei kaba la saphriang mynta ka sngi ia ka jingthoh ha kaba ia dei bad ka kwah ban khangiaid kali hynriew kynta shi sngi naduh ka 31/Lber/2024 sha ka 8/Iaiong/2024 ka dang dei tang ka jingtyrwa.
U bah B Wahlang Chief Engineer ka MePGDCL haba jubab ia ki jingkylli u SP News Agency la ong ba kaei kaba la saphriang katei ka jingthoh mynta ka sngi ka dei kaba kila buh ia ka jingtyrwa hynrei ym pat shim ia ka rai, la ban biang ba ka dang dei tang ka jingtyrwa.
Katkum ka jingtyrwa kaba la buh ka long ba kane ka jingkhang ban iaid kali hynriew kynta ha ka shisngi na ka bynta phra sngi kan long naduh ka 31/3/2024 haduh ka 8/4/2024. Ha ka 31/3/2024 ka jingkhang iaid kali kan long naduh ka por 8.00 baje mynstep haduh ka por 2.00 noh phaisngi bad ynshah tang iaki kali Ambulance.
Ha dien bala sangeh trei yn sah ban iaid ia ki kali kiba kit tang hapoh ka sawtone ha kitei ki phrang sngi lynter, ha dien ka sngi kaba phra nakata naduh ka por 7.00 baje mynstep la shah ban iaid ki kali kiba kit 15 metrik tone ban iaid tang shiliang ka jingkieng.
Halor kane la kyntu ia ka tnad pathai khubor jong ka sorkar jylla ba kan pynbna paidbah lai sngi lynter shuwa ba kan don ka jingkhang ban iaid ki kali, la kyrpad ia ka tnad shna surok jong ka sorkar jylla ba kan wat da kawei pat ka lynti ban pyniaid ia ki kali ha katei ka por ba khang.
La kyntu ia ka ophis jong ka Deputy Commissioner jong ka Ri Bhoi bad East Khasi Hills District ba kin ia pynbeit ban lait na kane ka jingdheng kali ha katei ka por ba khang ia ki kali ban iaid na kane ka jingkieng Umiam.
