Shillong, Iaiong 03: Ka jinglong jingman ka sain pyrthei hapoh jong ka Garo Hills Autonomous District Council (GHADC) mynta ka shong ha ka kti jong u Lat ka jylla namar ba ka file ka dang sah ha Raj Bhavan namar ba u lat ka jylla u dang shu wan phai na Assam.
U secretary ba dei peit ia ka District council affair u Bah T Dkhar, u la iathuh ba na ka liang jong ka department kala dep ban phah sha u Lat ka jylla, hynrei ka file ka dang sah bad u Lat ynda la ioh ia ka jingbethah jong u Lat la lah ban tip kaei ban leh ha kaba ia dei bad ka GHADC.
Kiwei pat ki lad khubor ki iathuh ba u Lat jong ka jylla u Banwarilal Purohit u la poi sha Shillong bad shen yn sa shim ia ka rai ha kaba ia dei bad kane ka kam, la un pynjari ia ka Administrator Rule lane ban thung ia u CEM ba shipor haduh ban da jied ia u CEM ba thymmai jong ka iing dorbar.
