Shillong, Nailur 17: Ka seng samla pule ka Garo Student’s Union (GSU) kala phah da ka jingthoh sha ophis jong u Deputy Commissioner East Garo Hills ba kin pynlong ia ka jingiakhih kaba ar sngi lynter ha khamt ka ophis jong ka District Sport Officer jong ka East Gao Hills, kaba don ha Williamnagar.
Ka GSU kala kynnoh ba kane ka ophisar jong ka DSO jong ka East Garo Hills kam shym la leh ia kaei kaba ki paidbah ki don kam, na ka liang jong ka seng ruh ruh ha ka 7 tarik mynta u bnai kala dep ban phah da ka jingthoh sha u DC ban weng noh ia kane ka ophisar na kane ka ophis hynrei naduh mynta ka jingdawa jong ki kam shym la urlong.
Namar ka jingbym lah ban weng ia kane ka ophisar na kane ka ophis na ka liang jong ka GSU kan pynlong ia ka jingiakhih da kaba shong kyllain mungor ha khmat jong kane ophis ar sngi lynter ha ka 20 bad 21 tarik jong mynta u bnai.
Ka GSU kala phah ia kane ka jingpyntip sha u DC jong ka East Garo Hills District ia kaba la soi da u Tattara N Marak Assistant general Secretary jong ka GSU Eastern Zone. La ong ba ka seng kan iaid sha khmat bad kane ka jingiakhih ka jong ki lada ym lah ban weng ia kane ka ophisar na katei ka jaka, ong ka GSU.
