Shillong, Jymmang 12: Wat hapdeng ka jingpyrsah jong ka shnong Mookhep ia ka jingialang paidbah kaba la pynbeit da ka Joint Action Committee bad ka Jaintia Students Movement ha Lad Jalyiah ban daw ban khang noh ne pynlynriah noh ia ka jaka shna Coke kaba don ha katei ka jaka, ka jingialang kala iaid sha khmat bad la shim ia ka rai ba ka sorkar ka dei ban leh ei ei noh hapoh shitaiew.
Ha kane ka jingialang bun na ki nongkren ha kane jingialang ki la pynsngew ba na ka daw jong ka jingmih ka tdem pum pum na kane ka Abhi Coke Industry, la kynnoh ba bun ki briew kiba don sawdong jong kila ioh bun jaid ki jingpang jingshitom, ia kane la kren da u Bah Harvis Phawa rangbah shnong u Jalyiah.
Ha ka jingkren jong u Bah Joining Roy Dkhar, u la ong ba lada ka sorkar kam leh ban leh ei ei ia kane ka kam ki paidbah kim ban se ban ai noh da ka jingujor PIL sha iing bishar. La kynnoh ba naduh u snem 2007 ka jingpang bapher bapher kala sdang ban kynrei sawdong jong ki shnong kiba don kane ka karkhana.
Ha kane ka jingialang paidbah kila iamih lang ki khynnah skul, ki riew paidbah na ki shnong kiba don saw dong jong kane ka karkhana ban pynpaw ia ka jingpyrshah ia ka jingdon kane ka karkhana ha ka katei ka jaka kaba la ktah ia ka koit ka khiah jong ki paidbah la kynnoh.
