Shillong, Jymmang 19: U Bah Shibun Lyngdoh state president jong ka seng BJP ha kane ka jylla, haba kren halor ka jingjop don burom jong u Conrad K Sangma jong ka seng NPP, u tei u nongialam u la ong ba kane ka la kren shai kdar ba kaei kaba ka congress ka kynnoh pyrshah iaka BJP ha ka por ba ki leit ban ialap elelction ka long kaba bakla.
Ki paidbah jong ka garo Hills ki sngewthuh ia ki jingshisha baroh bad kane ka dei ka jubab kaba ki la ai ia ka seng Congress da kaba jop na ki 23 tylli ki constituency lait noh ka Ampati kaba ka kyrtong jong ka seng Congress ka tan tang khyndait eh.
Kane ka ka jingjop don burom ha kane ka elelction shiteng samoi ka long ba ka seng Congress kan sa duh sa dam ha kane ka jylla bad ha ka Ri hi baroh kawei. Kane ka jingjop jong ka NPP ha kane ka election kan la kdew shai ba ha u snem 2018 ka BJP kan wan ha ka bor.
Haba phai sha u Conrad K Sangma, u bah Shibun u la ong ba na ka liang jong ka seng ka ai ka burom bad ka jingkyrkhu kyrdoh ia u ba un dang kiew nangne sha khmat bad un trei na ka bynta ka roi ka par jong ka jylla bad ka thain Garo Hills bad ha ka Ri Baroh kawei. U don ka jingkyrmen bay n leh ia kaei kaba don kam na ka bynta jong ki paidbah.
