Shillong, Kyllalyngkot 27: U bah HS Shylla u la hiar sha Majai ban ai ia ka hukum kaba la pynmih da ka Khasi Hills District Council ha kaba kawei pa kawei ka iing iing ka dei ban don ia kane ka hukum kaba la pynmih da ka KHADC.
Ha ka jingkren jong u Bah Shylla u long ba ka long kaei kaei kaba sngewsih ban iohi ba ka ophis jong ka hima kaba dei ban ker ban da kala die duh ia ki paidbah, ka Meghalaya land Transfer Act kyndon kaba 8 la khang ia ki bym dei ki trai jylla ka khang ia ki ba kin thied jaka.
Katkum ka article 19 la shah ia ki nong India ba ki lah ban shnong ha kano kano ka bynta jong ka Ri India, hynrei ha ka juh ka article 19 ka sub klos kaba 19(5) la ong ba ka jylla ka lah ban thaw ia ka ain ban iada ia ki riew lum dei tang hapoh kane ka hima Sohra ba la shah ia ki bym dei khasi ban thied jaka.
U Chief Executive Member jong ka KHADC u buh ka jong kylli sha ei ka sorkar Meghalaya, u SDO jong ka Sohra Civil Sub Division, shano u myntri ba dei peit ia ka khyndew ka shyiap, sha ei MLA jong phi u ba long u Speaker jong ka iing dorbar thawain ka jylla, hato u MLA jong phi hato u ia don bynta ban ia pynkhein ia kane ka Land Transfer Act.
La ong ba ka Bri-U Hynniewtrep ki dei ban tip ia kaei kaba jia hapoh Majai. Halor kane ka jingjia la saspon ia u Syiem jong ka hima Sohra bad u dawa ba dei ban duh wat ia ka jinglong syiem, u CEM jong ka KHADC u la ong ba ka long kaei kaba sngewsih “ Ha ka jaka ba kin long Syiem ki long ki khlieng”.
Ha kane ka jingialang na ka liang jong u CEM jong ka KHADC u la ai ka jingiaroh ia ki paidbah jong ka Majai kiba la iada iala u pud u sam bad ki don kam ia ka jingiaroh. Kaba sngewsih ka long ba ki myntri sorkar, ki MLA kim shah ia u Lat jong ka jylla ban sign ia ka ILP kaba la shna da ka District Council.
Kaba sngewsih ka long ba “ Ngi ioh ia u Chief Minister u bym sngewsthuh ia ki bor jong ka District, ha kane ka sorkar kaba mynta don lang ka NPP, PDF, UDP, HSPDP ki ia don lang ha kane ka juh ka sorkar hynrei kim sngewthuh, u Conrad K Sangma u nang tang ban kren phareng ia ka ain um sngewthuh.
Ka Majai ka dei ka konstitwensi hapoh jong ka u Speaker ba mynta, u dawa ba u speaker u dei ban wan sha kane ka jaka ba lada ym lah ban phah ia ki ophisar ban peit ia ka jingkhien ia ka land Transfer Act, lada ym lah u la dei ban hiar shuki noh mar dor, lada ym lah ban iada ia ka jaka jong u kumno un ia da ia ka jylla.
U Bah Shylla u la kynnoh ba ka jingbym lah ban pynbeit ia ka jingeh ha them Iewmawlong ka dei ba ki kwah dukan ki myntri sorkar, kim don por ban peit ia ka jingeh jong ki paidbah ki kykieh ban pynlong Ilekshon ha kaba ia ki Bill jong ka District Council kim shah ban sign. Ha kane ka jingialang u CEM jong ka KHADC u la ther tyngeh ia ki myntri sorkar kiba mynta namar ba kim shah ban sign ia ki bill kiba la pdiang da ka iing dorbar jong ka KHADC.
Ha kane ka jingleit sha Majai la synrang lang ia u CEM jong ka KHADC, da u Bah Manstudy Nongrem bad u Legal Adviser u Bah Erwin K Syiem. Ha kaba kila ai jingkren ha kane ka jingialang bad kum juh na ka liang jong u Sordar jong ka Riad majai.
