Tura, Nailur 25: Ka jinglehkmen kaba 39th jong ka ‘Hundred Drums Wangala’ jong ki paidbah Garo kan long ha Asananggre, 18 kms na Tura, kane ka jinglehkmen kan long lai sngi lynter kan sdang ha ka 10 bad kan kut ha ka 12 tarik jong u Naiwieng 22016.
Ka jingpynkhreh na ka bynta kane ka jinglehkmen ka dang iaid sha khmat bad kum ba ka long mynta kane ka kynhun ka don kam pisa ruh ban pynlong ia kane ka jingleh kmen kaba jop.
Kum ka committee kaba dei peit ia kane ka kam, ki khmih lynti ba u myntri rangbah ka jylla u Dr Mukul Sangma un long u kongsan bad ka don ka jingkyrmen ba bun bah ki briew kiba na sha bar jong ka jylla ruh kin poi ban sakhi ia kane ka jinglehkmen.
Nalor kiwei ki jingleh niam kiba don kam kumba ki long haka Rugala, Chachat So’a bad Dani Doka, kan don ruh ka jingiakop shad ha kane ka jinglehniam tynrai, nalor kitei, mynta u snem kan don ruh ka jingpyninam ia ka bam tynrai, ki jingialehkai tynrai, ki shad tynrai ka jingpyinam ia ka thain jain bad kiwei kiwei de.
Kane ka jingleh kmen Wangkala ka long ynda la de plum dep lang na ka rep ka riang bad la juh pynlong ha u bnai Risaw bad ha u Naiwieng. Kane ka jinglehkmen ka tip kum ka “Pattigipa-Ra·rongipa” ka mut ka jingainguh ia u nongbuh Nongthaw u ba la kyrkhu ia ka rep ka riang.
Ia ka Wangala, la leh da ki ‘Songsareks’ lane ki bym pat long khristan, na duh ki po9r hyndai ha man la ki shnongki thaw, hynrei na ka daw jong ka jingwan ki kolshor jong ki ri sep ngi kane ka jingleh kala sdang ban troin, hynrei kila don ki riew pyrkhat ba dei ban pynim ia kane ka jingleh jong u barim bajah jong ki Garo namar kane ka dei ka shad tynrai jong ki.
Ia kane ka jinglehkmen Wangala la pynlong nungkong ha Asananggre dei haka 6 bad 7 tarik jong u Nohprah ha u snem 1976, bad dei ha dien jong kane ia kane ka jingleh kmen Wangala la juh leh pat ha u Naiwieng jong man u snem bad kane kala neh haduh kine ki sngi.
