Shillong, Rymphang 05: U Myntri ka tnad C&RD Block u AT Mondal u la pyntip ba ka jingrai ka Sorkar ban plie ia ka Block thymmai ha Mawhati ka long namar ba ka Mawhati ka long kaba jngai na ka Block barim kaba don ha Umsning.
Haba kren sha ki ladpathai khubor u AT Mondal u la ong ba ka rai ban ia block thymmai ia kano kano ka thaiñ ka long lyngba ka jingbishar kaba bniah.
“Ka Sorkar ka hap ban bishar bha, haba ka sngewthuh ba ka thaiñ ka donkam block thymmai ka Sorkar ka ju plie bad ia kane hap ban ïohi ïa ka jingdawa jong ki briew bad kumjuh ruh dei ban don ka jingmih na ka sorkar jylla” u la ong.
U la bynrap “Ka jingplie ia ka Mawhati block, ka dei namar ba kane ka thaiñ ka la jngai bha bad bun ki briew ki hap ban iaid kumba 80-90-100 Km ban poi sha ka ophis block, kumta u Myntri Rangbah ka jylla u la bishar bha ia kane bad rai ba ka la dei ka por ba ka Mawhati kan don noh ka block”.
“Ka jingwanrah ia ka block ha Mawhati hi ka long ban wanrah ki kam pynroi na bynta kane ka thaiñ kumta la pynskhem ia kane ka block hangtei”.
