Shillong, Nailar 25: U Lat ba thymmai jong ka jylla Meghalaya u Tothagata Roy, u la ong ba “ka jingwan jong nga sha Meghalaya ka long kumba wan phai biang sha ka la iing, namar ha kip or jinglong khynnah jong nga, nga la heh la san hangne, ia u para barit jong u u Saugata Roy u ba dei u MP mynta la kha ia u ha Ganesh Das Hospital, nga tip ia kane ka sor Shillong kumba nga tip ia kti na duh Garikhana sha Happy Valley.
U Lat jong ka jylla u la ong, “ Hooid ka jinglong ka sor Shillong kam long shuh kumba ka long mynshuwa kala don shibun bah ki jingkylla, ha ka por jong nga kam don kane ka jingkhap ngiah kali kumba ka long mynta, ki iing ki sem baroh ki dei ki iing ba la tip kum ki “Assam Type” mynta pat kila mih kine ki iing bun bun mala,nga kwah ban pynbeit ia kane ka rukom pynwan dur ha kane ka nongbah Shillong”.
Hynrei wad la ka long kumno kumno “ Ka Shillong ka sah hi ka Shillong nga ieit ia ka’ kiba ha iing ha sem jong nga baroh kiba don ha kane ka nongbah Shillong kila khlad, ki khun ki ksiew jong ki kila poi kylleng ka pyrthei, u ba khatduh na kiba ha iing u ba sah ha Shillong dei u para arkmie jong nga u hikai hapoh St, Anthony’s College, ka kyrteng jong u dei u Heralal Roy, hynrei ki briew ki khot ia u da u Herol Roy, u la ong u ba paw ha kito kip or jong u 30 snem mynshuwa.
Haba ia dei bad ka jingkhap ngiah kali u Lat jong ka jylla u pynpaw ia ka jingsngewdiaw jong u, hynrei ka dang kloi than ban ong ei ei ia mynta, hynrei namar u la ia don bynta kumba 18 snem bad ka Kolkata Metro u don ka jingtip kaba ia dei bad ka jingkhap ngiah kali ha ki jaka sor.
Ha ka jingiohi ka jong u, ka jinglong jingman jong ka sor Shillong, ka long ba yn nym lah ban pynheh ia ki surok haduh katta katta, yn nym lah ban shna ia ki jingkieng iaid kali na suin haduh katta katta, haba ia kynduh ia kum kine ki jingeh, kaei kaba u kwah ban ban ka long ba pynbun ia ki kali kamai jong ka sorkar, wat pynshlur ia ki kali kamai jong ki riew shimet.
Lada lah ban pynbiang ia ki kali sorkar ban kamai ka jingbam jaka ha surok kam kham duna, ym dei ban pynshlur ia ki kali kamai jong ki riew shimet, hynrei kata baroh ka shong ha ka sorkar kaba la jied da u paidbah ban shim ia ka rai, kane ka dei ka jingioh kyllum jong u lat haba ki don kum kine ki jingkhap ngiah kali.
