Shillong, Naiwieng 22: U Nongialam ka Joint Action Committee jong ka Hima Sohiong Lyngdohship u bah Purningstar Shabong, u la ong ba ki kwah ba ka KHADC ka dei ban pynshai noh ka Mawtamur ka hap shaei, ha Sohiong ne hima Jirang.
La ong ba naduh u snem 2019 ka JAC ha dien ba kala lap da ka RTI ba kala don ka jingaiti sha ka Hima Jirang kum ka JAC kala phah da ka jingthoh sha ka KHADC hynrei haduh mynta kam shymleh ei ei ia kane ka bynta ka sngap mynthi, ka JAC ka lylli balei ka District Council ka sngap jar.
Ha ka sngi nynkong na ka liang jong ka JAC kila leit biang sha ka shnong Mawtamur ban ia kynduh ia ki paidbah nongshong kiba don haduh 63 tylli ki tnum iing ban ia mir jingmut ha kaba ia dei bad kane ka jingsah jong ki ha ka Umdum namar haduh mynta ka hima Sohiong ka dang kam ba ka hap ha jingpeit jong ka.
Ha ka jingiakynduh lang ia ki paidbah ka shnong Mawtamur u Secretary ka hima Sohiong ba dei peit ia ka raid Mawtmur u bah P F Nongrang u la don lang ha kane ka jingialang padibah ha kaba u la batai ia ka jingsdang ka hima bad kumba ka long haduh mynta ki sngi.
Ha ka jingialang la ioh ia ka jingkren na u wei ki nongkitkam shong u bah Priminson Nongrum bad ia ka jingialang la pyniaid da u Sordar shnong u bah Useful Lakhmie ha ka jingiadon lang ki riw rangbah ka shnong.
