Shillong, Jylliew 19: Ka seng samla pule ka khasi student Union (KSU) kala phah da ka jingthoh sha u Chairman u ba bat ruh ia ka kam manading director jong ka, North Eastern Electric Power Corporation (NEEPCO) ba ka dei ban pynsangeh shuwa ia ka examin bad ia ki jaka thoh eksam baroh ki dei ban don ha ki jylla jong ka dong shatei lam mih ngi jong ka Ri India.
Ka seng KSU kala iohi ia kane ka jingthmu jong ka NEEPCO ban pynlong ia ka eksamin na ka jingpynbna jong ka hi na ka bynta ki kam kiba lait hapoh jong kane ka coporation jong ka sorkar pdeng kum ka kam Trainee Engineers (C),Trainee Engineer (E/M), Trainee Personnel Officer bad Trainee Accounts Officer bad kane ka eksamin kan long ha ka 26 tarik mynta u bnai.
Kumba ka paw ka long ba na ki hynniew tylli ki jaka thoh eksaminm kiba bun la buh ban long ha Delhi bad tang lai tylli la buh na long ha ki jylla ka dong shatei lam mih ngi jong ka Ri India, ka seng ka ong ba ka NEEPCO ka dei ban pynsngeh shuwa ia kane bad baroh ki jaka thoh eksam ki dei ban long ha ki jylla ka North East.
Ka seng KSU ka ong ba ka jingkyrduh kam ha kane ka jylla Meghalaya ka long kba la palat bad kane ka jingkyrduh kam ka long ruh ha ki jylla jong ka dong shatei lam mih ngi baroh kawei, ka ophis jong ka NEEPCO ka dong ha North East balei yn pynlong ia ki eksam sha bar jong kane ka thain shatei lam mih ngi.
Kane ka jingleh jong ka NEEPCO ka long ban khanglad ia ki samla kane ka thain shatei lam mih ngi bad kane ka jingkyrduh kam kala pynlong ia ki samla kane ka thain ba kin iaid sha ki lynti kiba long pyrshah ia ka imlang sah lang, ka NEEPCO ka dei ban but ia kaei kaba la juh leh mynshuwa ba ia ki eksamin dei ban long ha kane ka thain. Na ka liang jong ka seng kan nym shong kloi kti lada ka NEEPC kam sngap ia kane ka jingdawa. Ka seng ka kyrmen ba ki bor pyniaid ia kane ka corporation jong ka sorkar pdeng kin sngap.
