Shillong, Jymmang 30: U president jong ka seng HSPDP u Bah Ardent Basaiawmoit u la ong ba haduh mynta kum ka party kam pat pynbna kyrtong ban ia khun ia ka MLA Election ha u snem 2018.
Haba kren ha u SP News Agency u la ong ba ha dien ba la ia don ka jingiatehlok bad ka seng UDP bad ka seng HSPDP kaei kaei kaba ki leh ki hap ban don ka jingiakren ia sngewthuh jingmud lang hapoh jong ka Co-ordination Committee.
Kane ka long ka sien kaba nyngkong ha kane ka jylla Meghalaya ba ki seng sain pyrthei kin don ka jingiatehkular ban ia treilang ha ka election. Ki paidbah kim dei ban sngewthuh bakla ia kane, kane ka dei ka jingiatehlok kam dei ka jingiatylli.
Haba jubab ia ka jingpynbna jong u Bah Martle Mukhin ba un ia khun ia ka MLA Election 2018 na ka seng HSPDP, u bah Ardent u la ong ba ka Central Election Committee haduh mynta kam pat ioh pdiang ia kano kano ka jingpan tiket jong uno uno u kyrtong.
La ong ba shen ka Co-ordination committee jong kynhun ia treilang kin sa ia shong ban ia kren bad kaei kaei kaba kin leh kan long beit da ka jingiasngewthuh jingmud bad ioh leh se kin don ki jaka kaba ki hap ban ia buh kyrtong lang ruh hynrei lada ka jia kaba kum kata kin leh da ka jingiasngewthuh jingmud.
