New Delhi, Iaiong 19: U Myntri Rangbah duh ka ri, u Narendra Modi u la ong ba ka Marketing and Logistics Development for Promotion of Tribal Products from North -Eastern Region (PTP-NER) kalong ka skhim kaba ai jingmyntoi bha.
Ka jingthmu ka long ban kyntiew ia ka jingim jong ki nongshna tiar ba don sap na ka thain shateilammihngi. U Modi u la ong ruh ba kane ka skhim kan pynthikna ruh ka jingpaw pyrthei ki tiar na ka thain shateilammihngi.
Ha ka tweet thread u Myntri sorkar Pdeng ba dei khmih ia ka Tnat tribal Affairs, u ArjunMunda u la pyntip ba ka jingthmu jong ka skhim PTP-NER kalong ban pynkhlain ia ki lad kamaijakpoh jong ki nongshna tiar ba dei ki riewlum lyngba ka jingkyntiew ia ka jingthied, ki kam logistics bad ka jingpyniaid iew ia ki mar.
Ha ka jubabia ka tweet thread jong u Myntri Sorkar Pdeng, u Myntri Rangbah duh u la tweet;“Ka PTP-NER kalong ka skhim kaba iarap bha, ka thmu ban kyntiew ia ka jingim jong ki nongshna tiar ba don sap jong ka thain shateilammihngi. Kan pynthikna ruh ka jingpawpyrthei ki tiar na ka thain shateilammihngi. Ki jaitbynriew riewlum kin ioh jingmyntoi bha na kane.”
