Shillong, Rymphang 03: U Bah PN Syiem MLA jong ka Mawsynram Constituency , u la ong ba kane ka jingkynnoh pyrshah ia u ba u la pyndon kam bakla ia ka pisa phra klur ka dei tang ka buit “Politic” jongno re jongno u la ong. bad ka sma politic hak hak.
“ Nga iohi ba kane baroh ka dei tang ka buit politic, naduh ka sorkar, sha District council bad hapoh jong ka Constituency Mawsymram”. U la ong ba kine ki jingkynnoh baroh ki long ki jingkynnoh bym don nongrim.
Kane ka jingpynshai jong u MLA ka Mawsynram ka dei halor ka RTI kaba la pan da u Bah Banshai Marbaniang u wei na ki ki nongshong shnong jong ka Mawsynram, kane ka RTI kaba u tei u rangbah u la pan ka long naduh u snem 2008 haduh 2015.
Haba ia dei bad ka kali Ambulance kaba la thied T.5.5 Lak tyngka kumba la kdew ha ka RTI, u bah PN Syiem u la pynshai ba ia kane jingthmu ban thied kali la pyndam noh bad ha ka jaka jong ki la thied ia ka Auto Truck T.1.5 Lak bad la shna ia ka lynti iaid kjat kaba T.2 lak ha Dongshilliang kaba dei hi hapoh Mawsynram.
I mat ka la don ka jingbakla na ka liang jong ka ophis jong u Deputy Commissioner ia ka shithi kaba la thoh ha u bnai Iaiong 2009 ba la pyndom noh ia kane ka jingthmu ban thied Ambulance. La ong ba ka bor ka shnong ha u MLA ban pynkylla ia ki skhim wat la dei la dep phah ruh bad u lah ban phah da kawei pat.
U Bah PN Syiem u la kynnoh kylla ba u Bah Banshai Marbaniang u kham trei kum u politican ban ia u nongialam seng bhalang, la ba kane ka dei tang ka buti ban ialap elelction ban pynsngewthuh bakla ia ki paidbah , ka jingkam ban thoh sha u myntri rangbah, kane ka kdew shai kdar ba u don ka jingiadei kaba jan bad u myntri rangbah.
Ka jingkynnoh ba ki paidbah kim shym la ioh ia ka jingiarap ha kine ki phra snem , halor kane u bah Pynshngian u la ong ba tang ka jingiarap shimet kaba u la ai ha kine ki phra snem kala kot sha ka 3687 ngut bad ka pisa kala kot sha ka san klur tyngka naduh u snem 2008 haduh 2015. Kine ki skhim jong ki riew shimet ka kynthup ia ka jingsam ia ki tin sop iing, ban marmot ia ki iing bad bun kiwei kiwei dei la kam u MLA.
