Ka sorkar ka dei ban buh ia ki doctor ha ki jaka otdoh ban peit ia ki mrad shuwa ban ot

Shillong, Nailur 06:  Ka seng FKJGP mynta ka sngi kala leit banjurip ia ka jaka thang sniang kaba don ha Jaiaw Thangsning bad kala ioh ban ia kren bad ki nongdie doh sniang kiba pynkhuid ia ki sniang ban kit pat sha ki dukan ban die ia ki.

Ha kane ka jingleit jurip na ka liang jong ki nongdie doh sniang kila ud ha khmat ki nongialam jong ka seng FKJGP, ba la ialam da u Bah Dundee CliFf  Khongsit General Secretary jong ka seng ba kim don lad da kumwei namar ba ka sorkar kam pynbiang ia ka um bad kiwei ki jingdon kam, kum ki nongdie doh ki kwah eh ban iohi ba kan don ka jingkhuid hynrei ka sorkar kam shym leh ei ei.

U Bah Nongsiej u la ong ba ha kane ka jingwan jurip ka jong ki mynta ka sngi kila ioh da la ki jong ki khmat ia ka jinglong jingman jong kane ka jaka bad la isait met ban peit shisha. Kum kane kan sa ia kren bad ka sorkar ha kaba ia dei bad kane ka jingeh.

Ka jingleit jurip ka seng ia kine ki jaka ot doh mynta ka sngi ka long ba ki kwah ba ka sorkar ka dei ban buh ia ki doctor ban examin ia ki mrad ba imshuwa ban ot ia ki ban die sha ki paidbah. Ka seng ka kwah ba ka ei kaba die sha ki paidbah kin long kiba bit ba biang.