Shillong, Lber 23: U Working president jong ka Khliehriat Block Congres Commitee (KBCC), u Bah Piwell Shylla, u kyrpad ia ka sorkar jylla ba ka dei ban pynlait ia ki nongwan rah bam sha ki iing na ki restuarant sha kito kiba phah jingbam sha iing jong ki.
Ha kum kane ka por ba ka sorkar ka hukum ia ki paidbah ban shong ha ing jong ki na ka bynta ban iada na u khniang jingpang coronavirus. Da kaba ailad ia ki jingbam ban wanrah sha ki iing kan pynlait ia ki paidbah na ka jingkyrduh jingbam ha kum kane ka por.
Ha ka juh ka por ka sorkar ka dei ban ailad ruh ia ki nongtyrwa tiar bam lyngba ki kali shapoh ki dong, khapsor, bad shapoh shnong ruh kumjuh, kane ka long katkum ka kyrwoh kaba la phah da u bah Piwell Shylla nongialam ka seng Congress.
