Shillong, Lber 09: U Myntri Rangbah ka jylla u Conrad K Sangma haba jubab ia ka jingkylli jong u bah Process T Sawkmie halor ki lat jngiarap ka sorkar ia ki nongrep ha ka jylla, la ong ba ka sorkar kala mang T.50 klur ha u snem bala dep bad mynta T.200 klur baroh kan long T.250 klur.
U Myntri Rangbah ka jylla u la ong ba 80% ki dei ki nongrep bad haba khien ia kit num iing ki don haduh 4.5 lak tylli ha ka jylla baroh kawei, ka jingiarap jong ka sorkar ka long T.5000/- tyngka marwei.
U Myntri rangbah u la ong ba kane ka jingiarap kan long T.5000/- tyngka marwei tang ki hap ban don ha ka kynhun bad kum ka kynhun ka dei ban long san ngut sha neng, ia kane ka pisa kum ka kynhun kan lah ban pynlong kum ka bai seng haba ki pyntrei ia kano kano ka kam.
U Myntri rangbah la ong ba ka jingeh jong ki nongrep ka long ba kim don bai seng dei na kata ka daw ba ki nongrep ki hap ban shim pisa shuwa ban rep lane shu wan ban khiet ia ki marrep bad kane ka buh jingeh ia ki nongrep da kane ka jingiarap kan iarap ia ki nongrep.
Ha kaba sdang ki nongrep kiba la register ki long 26000 ngut hynrei haduh mynta kiba la register ki don haduh 81000 ngut, ka sorkar ka khmih lynti ba ia katei ka pisa T.250 klur yn lahb an pynpoi lut sha ki nongrep ha une u snem mang tyngka ba mynta 2022-2023.
