Shillong, Lber 26: Shen ka sorkar kan sa pynmih ia ki jaka pule thymmai bad yn jer kyrteng ‘Community College’ ha kaba ka sorkar kan bei pisa haba sdang bad ki riew paidbah kin pyniaid ia ki, kane ka long ban wanrah ia ka jingsngew trai ha ki paidbah.
Ka sorkar kan ai ka jingiarap pisa ia ki samla pule kiba beteng ha ki kyrdan kiba kham sha jrong haduh T.5000/-, bad kiba dei ban ioh ia kane ka jingiarap ka jingleit klass ka jong ki kam dei ban duna ia ka 80% ka sorkar kala shim ia kane ka rai ka long ban ialeh kumno ban khanglad ia ka jingpep pule ba shiteng por jong ki khynnah.
U myntri rangbah u Dr Mukul Sangma u la ong ba kane ka dei ka sien kaba nyngkong ba ia ka mang pisa la mang haduh T.1700/- klur ha kaba ia dei bad ki kam pynroi ban kyntiew ia ki paidbah ba kin kiew ha ka ioh ka kot ka jong ki da kaba don ia ki skhim bapher bapher.
Haba kren ha ba ia dei bad ka jingeh jong ki paidbah ha ka leit ka wan, da kaba kdew ia ka surok PMGSY ha Dokongsi kaba dei ha North Garo Hills kaba la ieh noh shiteng ula bethah ia ki heh jong ka PWD ba kin phah ia ka proposal ban pyndep ia kane ka surok bad ka sorkar kan bei pisa T.80 lak na ka bynta kane
U myntri rangbah u la ong ba ka sorkar kan sa thaw ruh ia ka kynhun iada khlaw ia kaba yn tip kum ka “Forest Protection Force” hapoh jong ka tnad khlaw bad kane kan long ka lad ioh kam ioh kam ia ki samla. Ban pynshlur ia ki samla pule ba kin dang kiew ha ki jingpule la sam ruh ia ki 10 tylli ki laptop sha ki samla kiba la pass bha bad ia kane ka skhim la sdang da u MLA jong kane ka Kharkutta.
