New Delhi, Naitung 27: Ka Sorkar Pdeng dang shen ka lah pyllait ia ka jingsiew bai lutksan na ka bynta ka GST kaba T.13, 806 klur
sha ki Jylla na ka bynta u bnai Lber 2020.
Da kaba peit ia kane, ladep ban pyllait baroh ka jingsiew bai lutksan haduh u 2019-2020 sha ki jylla. Ka jingsiew bai lutksan baroh ba lah pyllait jong u snem 2019-2020 kalong T. 95,444 klur.
Ban pyllait ia ka jingsiew bai lutksan na ka bynta u snem 2019-20, la pyndonkam ia kaba sah na ka khajna ba la lum ha u snem 2017-18 bad 2018-19.
Nalor kane, ka Sorkar pdeng ka ladep phah T.33,412 klur na ka Consolidated Fund of India sha ka Compensation Fund kum ka jingbynta ia kaba sah na ka IGST kaba iadei bad u snem 2017-18.
Ka jylla Meghalaya na kane ka jingsiew bai lutksan na ka bynta ka GST kala ioh ia ka bhah ba dei ka ba la kot sha ka T. 157 klur na ka bynta u snem mang tyngka 2019-2020.
Katba kiwei ki jylla ka North East, Arunachal pradesh, Mizoram, Nagaland, Manipur, Sikkim ki khlem ioh bhah ei ei, katba ka jylla Assam ka ioh T. 1284 klur bad ka jylla Tripura ka ioh T. 293 klur.
