Shillong, Lber 21: U Superintendent ki pulit jong ka Ri Bhoi District la ong ba ha ka jingbteng ban tohkit ha kaba ia dei bad ka ejahar kaba la register bad ka Nongpoh Police Station no.25 (3)24 u/s 120B/121A IPC r/w Sec 10/13/18 UA(P) Act bad Sec 5/6 Explosives substance Act, ar ngut ki briew la rah biang da ki pulit.
Ha ka jingtohkit jong ki pulit kila kala paw ba ka seng HNLC kala ialeh ban pynialam bakla ha ka rukom pyrkhat ia ki khynnah samla lyngba kiba bun ki rukom leh ong ka ban bteng ia ka jingdawa pisa jong ki.
Na ka liang jong ki pulit mynta ki dang tohkit ioh don kiba noh syniang da ka pisa sha katei ka khynhun kaba la shah khein beain, lada lap ba don ka jingiadei yn tohkit pyrshah iaki bad yn pynshitom ia ki katkum ki kyndon hapoh ka Unlawful Activities Prevention Act.
Ki pulit kila resgister sa kawei ka mukot duma ha kaba ia dei bad ka jingpynher ia ka Lama jong ka seng HNLC ha u Nailar 2023 ha surok bah ha Ri Bhoi District, ia kane ka mukotduma la register hapoh jong ka Nongpoh Police Station no. 28(3) 24 u/s 120B/121A IPC r/w Sec 10/13 UA(P)Act.
Ki pulit kila kam ba ka seng HNLC kala leh ia ki kam buit sniew jong ka lyngba ka VOIP bad Social Medai, la bthah ba lada kwah long paralok na ioh ia ka phone na ki dkhot ka seng HNLC pyntip sha ki pulit lane blok noh ia ka kyrteng jong ki.
Ki pulit ruh kila pynlait paidbah ia ka jingiakren hapdeng u Sanbor Pala ba kam ba dei u Komander ka seng HNLC bad u wei na kiba la shah kem ha ki pulit ha kaba kila ioh ban kurup ia ki tiar pynbethei bom na u tei ba la shah kem.
Na ka liang jong ki pulit kila kut jingmut ba mano mano ba don kti bad katei ka seng lehnoh kin sa leh ia kaba don kam bad kin sa pynshitom katkum ki kyndon ain, kane ka long katkum ka kyrwoh kaba la phah da u SP ka Ri Bhoi District u Jagpal Singh Dhanoa.
