Shillong, Lber 24: Ka Hynniewtrep Youth Council War Jaiñtia Circle hadien bala ioh shibun tylli ki jingujor naki paidpah ka thaiñ, halor ka jinglaitlaiñ ki trok kit masi ha kum kane ka por ha War Jaiñtia, kumta kum ka seng ka dap daka jingsngewkhia jur halor kane ka bynta namar ha kum kine ki por baka jingpang khlam Covid-19 ka la sa phriang bad pur sted ha kylleng ki nongbah ka pyrthei.
Kumta ka seng ka maham tyngeh iaki malik masi bad iaki trok kit masi ba lada don kano kano ka jingpur kane ka jingpang khlam Corona virus ha War Jaiñtia, ki malik masi ki dei ban bah khlieh iaki paidpah ka thaiñ.
Kumjuh ruh ka seng kam nym shongkli kti hynrei kan iai buddien ban lap iakito kiba dang saitlah nalor baki la tip bakane ka dei ka por ban iada dalade ialade ban lait na u khñiang jingpang Corona Virus.
Lada ka seng ka lap ia kum kita kiba dang saitlah iaki hukum bala pynbna daka sorkar, ka seng kan ai daka jingpynshitom ba tyngeh ryngkat bad ka jingmudui ehajar sha ki bor ka aiñ.
Haka juh ka por ka seng ka suba jur ba don eiei sha lyndet halor ka jinglaitlaiñ ki trok kit masi, kumta ka seng ka maham tyngeh iaki bor badei peit khamtam iaki police department ba kidei ban pynjur ka jingpahara bad kumjuh ruh ba lada ka seng ka lap ia kino kino kiba donkti halor katei ka kam.
Ka seng kam nym aili satia wat lada dei ban ujor shaka high court ruh, ka seng kam salia khnang ban lah ban iada iaka iap ka im jong u paidbah naka jingpang khlam Corona Virus.
