Shillong, Iaiong 19: Mynta ka sngi ki pulit jong ka nongbah Shillong kila ioh ban kem ar ngut ki briew bad na ki la ioh ban kurup ia u drok Herion kaba shong dor T.24 lak tyngka, ki pulit kila kurup ruh iaka Scoty kaba ki pyndon kam.
Ki pulit kila ioh ban bat ia kane ka Scotty kaba don ia u number ML-05-S-0052 ha dien ba kila ioh ia ka jingtip bad kila bud dien bad kila ioh ban bat bad haba kila talasi kila ioh ban kurup ia u drok heroin bad ki pulit kila kem ia ki baroh arngut bad na ki la ioh ruh ar tylli ki phone.
Na ka liang ki pulit ka jylla Meghalaya kila dang pynkhlain shuh shuh ia ka jingkhun pyrshah ia kane ka kam khaii drok ha kane ka jylla bad ka jingioh kem ki pulit ia ki nongkhaii ruh da ka jingiatreilang bad ka jingkyrshan jong ki paidbah.
