Shillong, Lber 22: Ki shipai BSF jong ka 172 Battalion na ka jylla Meghalaya kila ioh ban kem ar ngut kiba dei ki nong India bad kurup ia kawei ka trok kit shini kaba la thmu ban phah sha Bangladesh ha Kuliang kaba hap hapoh jong ka East Jaintia Hills District.
Ki shipai BSF mar ioh ia ka jingtip kila ap ktem bad haba ka kali kaba kit shini kila ioh ban bat bad haba la khylli ia ka talper ba tap ia ka trok la shem ba don u shini ba don haduh 25,000 kilo u shini ha katei ka kali kaba la ioh bat ha Kuliang.
Haba ki BSF kila tohkit ia u nongniah bad ia u nongbut kiba la wan na Kalain ki khlem lah ban pyni ia ki kot ki sla kiba biang, kumta ki BSF kila bat ia ki bad ha dien ba la pyndep ia kaba don kam la aiti sha ki Custom ban leh ia kaba don kam katkum ka ain.
Kane ka jingioh ban kem ka dei ka jingiatreilang ha pdeng ki BSF bad ki Pulit jong ka jylla kiba don ha katei ka thain Kuliang jong ka East Jaintia Hills District.
