Shillong, Nailur 25: Ki pulit jong ka jylla Meghalaya kila ioh ba kem ar ngut ki kynthei, ka Lalrintluangi 40 snem bad ka Elizabeth Numami 41 snem ha kaba ia dei bad ka jingujor kaba don hapoh jong ka Champhai Police station jong ka jylla Mizoram.
Ka jingkem ia kine ki ar ngut ki kynthei ka long halor ka jingsuba ba ki don kti ha ka jingiakhaii tuh ia u Yellow Cake, u ba dei u Uranium na kine la ioh ban kurup 1.5 kg. na ka jaka sah jong ki ha Mawblei.
Da ka jingioh kem ia kine ki ar ngut ki kynthei, kine kila ia lam sha kawei ka jaka kaba don ha Mawblei ha kaba ki pulit kila ioh ban kem ia u Ronald Phairembam ba la 45 snem bad la suba ba dei une u ba la pynioh ia une u uranium.
Ia kane ka jingkhyndang ban thew ia kitei ki briew kiba la ioh kem dei da ka jingiatreilang ki pulit jong ka jylla Mizoram bad ka jylla Mghalaya.
