Shillong, Lber 22: Ki pulit jong ka East Garo Hills District kila ioh ia ka jingujor hapoh Rongjeng Police Station ha ka 18/3/2024 ba kila don briew kiba ym lah ban tip kiba kam ia lade kum ki dkhot jong ka seng GNLA-R kila dawa pisa naduh ka 15/3/2024 bad kila byrngem ba lada kim siew kin leh da kaba tyngeh.
Halor kane ka jingujor hapoh Rongjeng Police Station la register ia ka ejahar No. 7(3)2024 U/s 386/34 IPC R/w Sec. 16/18A/20 U.A. (P) Act bad kila sdang ia ka jingthoh tohkit halor katei ka jingdawa pisa.
Ha ka jingthohkit bad ryngkat ki jinglap ksai kaba ki pulit jong ka East Garo Hills kila shem ha ka 21/3/2024 kila bat ia u wei u briew ba la tip kyrteng kum u Predickson N. Sangma 32 snem ka rta katba u dang leit ban ia kynduh ia kiba la ai ia ka ejahar kumba kila ioh ia ka shithi dawa pisa na khlaw sarkar ha Rongjeng.
Haba la ioh ban bat ia u tei u briew bad haba la pynlong shuh ia ka jingkhynra la ioh ban bat sa ia u Setbingstar D. Shira 33 snem ia kaba la kem ia u na Rongjeng Songma bad mynta ka jingthwet ia sa kiwei ki dkhot ban ioh ka dang iaid.
Na ka liang ki pulit kila kyntu ia ki paidbah ba lada don kano kano ka jingshah dawa dei ban pyntip sha ki pulit bad la don kano kano ka jingtip la kyntu ruh ba kin pyntip sha ki pulit bad ka tnad pulit kan nym pynmih ia ka kyrteng jong kiba ai jigntip.
