Shillong, Lber 26: Ki pulit jong ka Ri Bhoi kila ioh ban kem ar ngut ki briew na Ranibari jong ka Ri Bhoi District, kiba la shah kem la tip kyrteng kum ka Kavita Rabha 18 snem bad u Ajit Rabha 18 snem bad la tip ia u nongialam kane ka kynhun kum u Rudra Rabha.
Ki pulit jong ka jylla kila ioh ban kurup kawei ka suloi tynsah bad u powder ban thep hapoh kane ka suloi, ka jingioh kem ia kine ki briew ka dei halor ba ki paidbah kila iohi ia ka jingiaid jngieng kine ki briew kiba la rah suloi.
Ki pulit kiba dei peit iaka Rani Beat Out Post mar ia ioh ia kane ka jingtip kila leit sha katei ka jaka bad ha kane ka jingkhyra kitei ki briew kila siat ia ki pulit, hynrei namar ba don ki khynnah ki pulit ki khlem siat kylla namar don bun ki riew paidbah.
Ha kane ka jingiakhun na ka liang jong ki pulit kila ioh ban kem ia kitei ki ar ngut bad ha ka jingtohkit kila ia phla ha ki pulit ba ki dei ki dkhot jong ka kynhun nonglute kiba la don kti ha ka jigntoh ia ki dieng sal, Bike, Tympew bad kiwei kiwei, la phla ba u nongialam jong ki la tip kyrteng kumu Rudra Rabha.
Na ka liang jong ki pulit kila pynlong ia ka jingtalasi ia ka iing jong u Ajit Rabha bad ka jingkhynra ia katei ka jaka ka dang iai bteng bad ia kane la register hapoh jong ka Khanapara Police Station bad na ka liang jong ki pulit kin leh ia kaba don kam katkum ka ain.
