Shillong Jymmang 30: Ki dukan die dawai ha kane ka jylla Meghalaya kila khang ia baroh ki dukan ban pyrshah ia ka jingailad jong ka sorkar pdeng ban die online ia ki dawai sha ki paidbah. Ia kane ka khang dukan die dawai la pynlong ha baroh kawei ka ri India.
U Barun Chakraborty President jong ki nongdie dawai ha kane ka jylla ula ong ba kane ka jingiakhih jong ki ka long ban pyrshah ia ka jingailad jong ka sorkar pdeng ban shah ia ki web ban die online ia ki dawai namar katkum ka ain Drugs and Cosmetic Act, 1948 la khang pyrshah ban die ia ki dawai khlem ka jingthoh ki doctor.
Na ka liang jong ki nongdie dawai ki ong ba kane ka jingleh kan pynshlur bad pynsuk ia kito ki briew kiba la kyrni ha ki kam dih ia ki dawai pynbuaid. Kane ka jingkhang ia ki dukan die dawai ka long tang arphewsaw kynta kaba la sdang naduh ka por 12 baje shiteng miet bad kan kut haka por 12 baje shibit shiteng synia.
