SHILLONG Naitung 22: Ka Bhowal People’s Federation (BPF) kaba dei kawei na ki seng kaba peit ia ka bha ka miat jong ka dong ka thaiñ kaba hap hapoh ka Hima Bhowal ha ka 28 tarik mynta u bnai kan pynlong ia ka General Meeting ha IB ha ka shnong Dangar.
Katkum ka kyrwoh khubor na u Organizing Secretary jong ka BPF u Bah Mike Ossiris Kharraswai u la ong ba ia kane ka General Meeting ha ka 28 tarik ha ka por 11 baje mynstep ha IB Dangar bad la kyrpad ia ki dkhot jong ka seng ba kin ia poi khlem na ka bynta ban pyniaid beit iaid ryntih ia ki kam jong ka seng.
Ki mat kiba kongsan ba ka BPF kala buh ka long na ka bynta ban iakren halor ka mat jong ka koit ka khiah bad ruh ban dawa na ka sorkar ban kyntiew kyrdan noh ia ka CHC sha ka PHC bad kumjuh ruh ban buh noh ia ka Sub Centre ha ka thain Pyndensohsaw ne Jyllep.
Shuh na ka liang jong u Bah Kharraswai u la ong ban iakren ruh kumno ban wanrah shuh shuh ia ki tnad ophis sorkar kiba dei hok ki jingdonkam khamtam eh ha ka rep ka riang bad ruh ban buddien ia ki skhim dorkar kiba hap hapoh jong ka thain.(SP News)
