Shillong, Jylliew 27: Ha dien ba la long ka jingialang ba kyrkieh mynta ka sngi ban ia kren ia ka result jong ka D.EL.ED kaba la pynmih da ka NIOS na ka bynta ki ar tylli ki District ka East bad West Jiantia Hills District la shim ia ka rai ban na ka bynta ki saw tylli ki District ka East Khasi Hills , Sotuh West Khasi Hills, West Khasi Hills bad Ri Bhoi District kin pynlong ha Shillong ha ka 1th Naitung ha Khasi National Dorbar Hall.
Ka Meghalaya SSA School Association (MSSASA) na ka liang jong ka seng kmie kala khot ia kane ka jingialang kaba kyrkieh ka long ba ka NIOS kala pynbakla biang ia ka D.El.Ed result kaba kila thoh ia ka eksam jong u snem 2015 kaba dei ka kynhun ba nyngkong jong u snem 2013 ha kaba ia ka result la pynmih ha ka 22th Jylliew 2017 kin ia kren ha katei ka sngi.
La kyntu ia baroh ki nonghikai kiba la ialeh ia ka eksamin D.El.Ed kaba dei ka kynhun ba nyngkong jong u snem 2013 jong ka East Khasi Hills, West Khasi Hills,South West Khasi Hills bad Ri Bhoi District kin ia poi lang ha katei ka sngi bad ki dei ban wanrah lang bad ki ia ka result kaba ki la dep ban print la ong u Bah HM Marbaniang General Secretary MASSA.
