Shillong, Nailar 18: U Superintendent ki pulit jong ka East Khasi Hills District u bah S. Nongtnger u la pyntip paidbah ba naduh la shai ka sngi yn nym shah ia ki kali kiba iaid na Golflink, Langkyrding ban rung sha Mawpat bad kiba rung ynda poi ha Iew Mawpat ki hap ban phai sha kdaiang ban mih sha Longmaw Lailad.
Ia ki kali kiba wan na Longmaw Lailad yn nym shah ba kin rung sha jaka ieng Taxi ha Mot, hynrei ki hap ban iaid lyngba ka surok kaba leit sha Mawpat Circle-III sha Shaw Shaw jan ophis jong ka C&RD Block Mawpat.
Ha ka jingpynbna kaba la pynmih mynta ka sngi na ka liang jong u SP ka East Khasi Hills District u la ong ba la leh ia kane na ka bynta ka jingbit jingbiang jong ki paidbah bad kane kan trei kam naduh la shai ka sngi.
