Shillong, Nailur 08: Ki liang pyrshah kila ia kynduh mynta ka miet ha iing jong u nongialam ka liang pyrshah u Dr Donkupar Roy ban ia kren ha kaba ia dei bad ka ‘No Confidence Motion” ka motion ka byndom jingshaniah shuh ia u shongknor jong ka iing dorbar u AT Mandal.
U Bah Embhah Syiemlieh MLA jong ka UDP na Mawlai u la iathuh ha u SP News Agency ba ha kane ka jingialang kaba la long mynta ka miet kila rai ba kin iaid sha khmat bad ka no confidence motion pyrshah ia u shnongknor jong ka iing dorbar, ha ka sngi sdang jong ka iing dorbar ka ban sdang la shai ka sngi.
Na ka liang jong ka UDP kala pdiang sngewbha ia ka jingkren jong u president jong ka HSPDP u bah Ardent Basiawmoit, kum ba la paw ha ki kotkhubor ba katei ka seng ruh kan kyrshan ia ka NC kaba la rah da ka liang pyrshah.
