Shillong, Lber 09: Ka skul bah ICFAI Shillong ha ryngkat ka jingiatrei lang bad ka shnat NSS ha ka sngi Thohdieng 8/2/2024 ka la pynlong ia ka International Women’s Day halor ka phang “NEP2020 : Women in Leadership – Their role” ha ka ba la pynlong ha poh Pine Wood Hotei Shillong.
Ia kane ka conclave la wan ban plie da u Rakkam A Sangma Myntri ka tnad Pule puthi ka sorkar Jylla kum u kongsan ha ryngkat ka jingiadon lang ka Vice Chancellor Dr Alicia Gatphoh, ki Principal kynthei jong ki university bad ki college bapher bapher, ha ryng kat ki Nonghikai bad ki khynnah pule jongkane ka College.
Ha ba ai jingkren ha kane ka conclave kum u kongsan na ka liang u Rakkam Sangma u la pynpaw ka jingsngew nguh ia u Blei ba u la ai ha u ia kane ka lad ban ia don ryngkat ha kum kane ka sngi ba ka pyrthei baroh kawei ka kynmaw kum ka International women Day u la ong ruh ba kum kane ka sngi um lah khlem da ai khubei ia baroh ki longkmie ba ki la long ka jingkyrkhu ha kane ka slapyrthei ban long kinkynthei ka dei ka kabu ban ioh ka jingkyrkhu na u blei.
u Rakkam u la ong ba u kynmaw ia ka jingieid kmie Jong u, ha kaba ka kmie jongu kam shym la khmieh lynti ia u ba unlong haduh kume kum ba u long mynta, hynrei ka khmieh lynti pat ba shi sien ka sngi u sa longbriew.
U Rakkam u la ong ruh ba watla u kpa u long u khlieh Jong ka iing hynrei ka kmie kalong ka kjat Jong ka iing ka ba lah ban pynphai ia u kpa , u la ong ruh ba ka Rai Jong ka kmie ka dei ka ba khatduh ban shim ia ka jing ia mynjur lang.
U la ong ruh ba mynta ki sngi ki kynthei ki long ki paia ba skhem Jong ka imlang ka sahlang. U la ong ruh ba u kpa u long u nongshna ia ka iing hynrei ka kmie pat ka tei ia ka longiing, kumta u la kyntu ba ngi dei ban don ia ka longiing ka ba sngewtynad.
U la ong ruh ba mynta ka la dei ka por ba ki kynthei bad mangi iwei paiwei bangi dei ban nohsynñiang sha ka jingkiew Jong ka imlang ka sahlang, ka ri bad ka jaidbynriew.
U la ong ruh ba 80% na ki nong hikai ha ki school bad ki college ki dei ki kynthei. U la ongruh bah aba phai sha ka liang ka jingai jinghiaki ha ki school bad ki college bun ki dei ki kynthei ki ba la nohsynniang sha kane ka bynta.
Ha ba ai jingkren na ka liang ka Dr ka la ong ba ki longkmie ki dei ki ba ai ka jingkyrshan na sha dien ia ki longkpa ha ka kam ba ki trei ha kaba ki buh ia lade sha dien bad ai ba ki long kpa kin mih sha khmat.
Ka la ong ruh haba ia kren ha lor ka jing pyntrei kam ia ka new Education Policy kane ka dei ka wei na ki mat ba ka United Nation ka don ha khmat ban ai ia ka quality Education na ka bynta baroh la ka long kynthei na shynrang.
