Shillong, Naitung 29: Ki paidbah jong ka Garo Hills ki don kam ia ka jingshong suk bad ka kam kaba ha khmat eh ia mynta ka tei ka thain ka don kam ia ka jingsuk, la ong ka myntai ba dei peit ia ka tand Social welfare kaDeborah Ch Marak, khlem ka jingsuk yn nym lah ban wanrah ia ka roi ka par.
Haba kren ha u SP News Agency ka myntri kala ong ba kum ka kmie na ka tai ka thain ka pang ka mynsiem jong ka ban iohi ba kam don ka jingshong suk shongsain ki briew ki im ha ka jingtieng bad kim tip kaei kaban jia pat.
Haba ia dei bad ka jingmih khubor ba ka sorkar pdeng kan nym khot iakren shuh ia kiwei ki seng lehnoh, ka myntri kala ong ba katei ka dei ka jingsngew jong ka sorkar pdeng kam don ei ei ban ong bad kum ka sorkar kmie ka don ia ka hok jong ka ban kren ia kaei kaba ka sngew.
“ Na ka liang jong nga pat dei tang ka jingiakren ia suk kaba lah ban wanrah biang ia ka jingshong suk ha garo Hills, na ka jingsngew jong nga shimet ka dei ba ka sorkar pdeng ka dei ban khot ia kren ia ki seng lehnoh baroh ha ka wei ka kynhun ban wanrah ia ka jingshong suk kala ong”.
Wat ha pdeng kine ki jigneh kiba bun kaba ka GaroHills ka ia kynduh na ka liang jong ka sorkar ka ialeh katba lah ban pynpoi ia ki kam pynroi sha ki paidbah namar lyngba ki kam pynrpoi ka jingshong suk ruh kan sa wan lang, kine ki kam lehnoh ha Garo Hills ym tang ba ka ktah ia katei ka thain hynrei ka ktah ia ka jylla hi baroh kawei, la ong ka myntri.(SP News)
