Shillong, Iaiong 03: U Deputy Secretary jong u Lat ka jylla ba dei peit ia ka Raj Bhavan u pyntip paidbah ba ia kane ka jaka sah jong u Lat yn plie kyrpang ia ki paidbah ba ki lah ban leit ban jngohkai ia ki syntiew kiba la phuh bun jiat ha kane ka jaka na ka bynta jong ki paidbah.
Kane ka jingailad ia ki paidbah ba kin leit ban jongoh ia ki syntiew hapoh katei ka Raj Bhavan jong ka jylla kan long tang ha ka 8 tarik mynta u bnai bad kat kan long naduh ka por lai baje noh phai sngi haduh ka por san baje jan miet. Kiba kwah ban leit peit ki lah ban leit ha kane ka sngi ban peit ia ki syntiew kiba phah ha kane ka por pyrem.
