Shillong, Nailur 25: U Director jong ka School Education and Literacy (DSEL), jong ka sorkar Meghalaya u A. C. Marak, u la iathuh ha ki dkhot jong ka seng FKJGP jong ka Mawsynram Circle ba ia ki samla pule jong ka Mawsynram Government Secondary School la iathuh ia ki kum ki ‘regular candidate’ ha kane ka sksamin jong ka Board ka ban sa wan.
Na ka liang jong ka FKJGP Mawsynram Circle ha ka jingialam jong u Bah Banshai Marbaniang ryngkat bad u Bah Marbut Dkhar organizing secretary jong ka seng kmei kila leit ban ia kynduh ia u director jong ka DSEL ban wat jingtip halor ka dorkhas kaba kila ai ar snem mynshuwa ha kaba ia dei bad ki jingeh jong ki samla pule jong kane ka skul ha kaba ka sorkar kala pynkiew kyrdan ia kane ka skul khlem da thung ia ki nonghikai haduh kine ki sngi.
Ha kane ka jingiakynduh na ka liang jong ka seng kala kdew ba ia kane ka ksul ka seng ha u snem 1946 shuwa ba ka Ri India kan ioh ia ka jinglaitluid. Hynrei kane ka skul haduh mynta ka dang ia kynduh ia shibun ki jingeh ym tang ia ka skul hynrei khamtam eh ia ki khynnah skul namar kim tip kumno ban leh namar bay m dong nonghikai.
Haba ia dei bad kane ka seng FKJGP kala ia kynduh ruh ia u myntri ka tnad pule puthi u ba rim mynshuwa u Dr RC Laloo, ia kane ka skul la pynkiew kyrdan naduh ki class arit haduh class X mynta ka jingbym lah ban pass bha jong ki khynnah ka long namar ba kim don ia ki nonghikai.
Ha kane ka jingiakren na ka liang jong u AC Marak u la pdiang ia ka jingai jingmut jong ka seng ban kyntiew ia kane ka skul bad kan nym slem shuh ban thung ia ki nonghikai ha kane ka skul bad la ong ba ki khynnah pule jong kane ka skul kim thoh eksamin noh ym shuh kum ki khynnah ‘private’ hynrei kin long long ki khynnah ‘regular’.
