Munaisohra, Iaiong 03: Katkum ka jingkhein kaba la ioh da u Block Development Officer jong ka Ranikor Block, hapoh jong ka South West Khasi Hills District haduh mynta ka sngi ki iing briew kiba la shah pynjot ha ka jingkhi u eriong bad jinghap jong u phria kila kot sha ka 1598 tylli ki iing briew.
Ki shnong kiba la shah ktah bad ki iing kiba la shah pynjulor ha kane ka jingshah lynshop ha ka mariang ki long ka Shnong, Rudu 3 ,East Rangasora 37, Abangre 17, Koltapara 38, Khasladop 12, Lower Koltapara 24, Tibchiring 9, Lower Raja Pasala 32, Wanokchiring 17, Bagrachiring 7, Balat 108, Mawsaliah, 63, Panchiring -A 93, Domlinar 14, Lower Poksora 51, Makbilkol 34, Upper Poksora 62, Assimgitim 35, Rangdonggri 35, Panichiring-B 47, Chijongchirng 38, Phodkroh 70, Khatphra Mile 20, Umbir 57, New Moilam 42, Jamadur 35, Mulapat 39, Upper Raja Para 35, Kakorkora 60, Sodorkora 60, Koraikora 85, Lasigoan 18, Chikonbari –A 14, Chikonbari –B 10, Nolikata 20, Kewri 6, Pamdaba 35, Kensosan 24, Rillang 8, Ranikor 35, Tilagao 2, Mawlongbah 35, Mawpyllun 32, Dirang 25, Shnongkalong 50, Arphewsanmile 5, baroh ki long 1598 tylli ki iing.
Na ka liang jong u MLA kane ka jaka u Martin M Danggo u ba dang don shapoh constituency ban ai jingiarap ia ki paidbah ha kane ka jingjia ba sngewsih tang ia kito ki long iing kiba la shah ktah sha palat, ha ka jingiadon lang ryngkat u Additional Deputy Commissioner jong ka South West Khasi Hills District u Bah HS Diengdoh bad u BDO jong ka Ranikor u Bah FD Basan.
Ka jingiarap kaba la lah ban ai kyrkieh mynta sha ki lano ka dang long na ka liang jong u MLA, ha kaba u la lah ban ai kum ki tin sop iing, u khaw, ki tarpolin ia mynta ka sngi, na ka liang jong ki bor jong ka District ha dien ba kila ioh ia katei ka jingkhein ki ruh kin sa leh ia kaba don kam ban pynpoi ia ki jingiarap sha ki lano.
Ia kito ki long iing kiba la shah pynjulor khoit ka iing ka sem la phah ia ki ban sah hapoh jong ka iing shnong kaba don ha Lower Puksora, ki long iing baroh kiba la sah ha kane ka jaka ki long haduh 50 tylli ki long iing long sem. Katei ka jingkhein ka long katkum ka jinglum na da ki Gram Sevak na ki lai tylli ki Circle kiba dei hapoh jong ka Block Ranikor.
Na ka liang jong u MLA ha ka jingiakynduh lang kaba la long ha iing jong u mynta ka sngi u la bethah ia ki bor jong ka District ba kin pynkloi ia ki lad jingiarap ban pynpoi sha ki paidbah namar kane ka jingjulor ka long kaba ym pat juh jia koit hapoh ka jylla Meghalaya ba tang ha ka juh ka jaka ka jingjulor kan kot sha ka 1598 tylli ki iing bad ka jingjulor ka long da ki klur tyngka.
Kane ka jingjulor ka long kaba la ktah jur shisha ia kane ka dong ka thain kham tam eh ia ki marrep namar ba ki briew kane ka thain ki im ha ka rep ka riang, na ka liang jong u MLA kane ka jaka yn sa thoh sha u myntri ba dei peit ia ki kam shna iing jong ka sorkar ba ka sorkar kan iarap ia kine ki long iing kiba la shah pynjulor ha kane ka mariang.
