Shillong, Risaw 05: Ka ophis kaba dei peit ia ki khyllung khynnah ha ka jingpynlait khubor jong ka mynta ka sngi la ong ba kino kino kiba ha iing ka sem kiba tip ia une u khunlung ba la shah ieh ha Nongmysnong ki lah ban leit kam hapoh 60 sngi, lada ym don ba kam ha dien katei ka por ba la buh yn shah ia ki briew ba ki lah ban wan tieng khun.
Ia une u khunlung ba la lap na Nongmynsong ha ka lai tarik mynta bnai mynta u don hapoh ka jingpeit jingsumar jong ka “Lawei Baphyrnai” specialized adoption agency, Shillong. La ong ba lada kiba ha iing ha sem ki tip ba u ne u khunlung u dei jong ki kilah ban leit kam.
Hynrei lada ym don ba leit ban kam hapoh katei ka sngi kaba la buh ka ophis kan pynbna ba yn aiti noh sha kito kiba kwah ban tiengkhun. Lada don kiba ha iing kiba kwah ban tip ia kane ki lah ban ia kynduh ia kine ki ophis kiba la ai bad ka kyrteng bad ia u phone number.
Kiba ha iing ki lah ban leit sha kane ka ophis District Child unit, Lachumiere, East Khasi Hills District, 0364-2502310, child welfare committee Lachumiere, East Khasi Hills District, 0364-2224409 bad “Lawei Baphyrnai” specialized adoption agency, Mawklot Shillong. Mobile number 961760415.