Shillong, Lber 21: Ka tnad ka koit ka khiah kala pyntip ba mynta ka sngi ki don 7 ngut ki briew kiba la test COVID-19 positive, na East Khasi Hills 6, West Khasi Hills 1, kiba dang shitom na kane ka jingpang ki don 54 ngut bad kiba shah sumar ha ki hospital ki long 9 ngut, ha East Khasi Hills 7 ngut bad West Garo Hills 2.
Kiba la ioh ia ka jingkoit na kane ka jingpang mynta ka sngi ki don 8 ngut, ki dei na East Khasi Hills 6 ngut, Ri Bhoi 1, West Garo Hills 1, kiba la ioh ia ka jingkoit na kane ka jingpang haduh mytna ki don 92083 ngut.
Na ka tnad ka koit ka khiah kala pynkynmaw ruh iaki paidbah ba lada don kino kino kiba shitom ki lah ban pyntip ha kine ki ar tylli ki number phone kiba la buh kyrpang, na ka bynta ki jigntip haba ia dei bad ka COVID-19 phone ha u 14410 bad ba don kam kyrkieh phone sha u 108.
