Shillong, Iaiong 19: Ki shipai BSF kiba don ha khappud bad ka Bangladesh ha ka sien kaba nyngkong ba kila ioh ban kurup haduh 3380 tylli ki iitkhmat katba dang mut ban shallan tuh sha Bangladesh bad ka dor jong ki kala kot sha ka 16 lak tyngka.
Kane ka jingioh kutup ia kine ki mar khaii tuh sha Bangladesh ka long ba ki shipai BSF kila dang lap shuh shuh ia ki jaka kiba ki nongkhaii beain ki phah ia ki mar khaii tuh sha Bangladesh, kane ka jingioh kurup ia ki iitkhmat dei halor kane ka jingshem ki BSF ia ki jaka khaii tuh kiba dang pyndon kam thymmai.
Mynta ka sngi ki shipai BSF kila ioh ruh ban kurup 22 tylli ki shynreh kiba la pynpoi ha wah Shella da ka jingthmu banpynpoi sha Bangladesh hynrei ki shipai BSF kiba don ha katei ka jaka kilo ioh ban kurup ia kine ki shynreh katba ki nongkhaii beain kila ioh ban phet noh.
Ki shipai BSF kila dang pynkhlain shuh shuh ia ka jingpahara ha khappud bad ka Bangladesh da kaba pyndon kam ia ki juk stad kiba mynta ban ioh kem ia ki nongkhai beain, ki BSF kila kut jingmut ban ia khun pyrshah ia kine ki nongkhaii beain.
