Shillong, Rymphang 16: U Myntri rangbah ka jylla u Conrad K Sangma u la ia kynduh ia ka myntri pla pisa jong ka sorkar pdeng ka Nirmala Sitharaman bad na kane ka jingiakynduh la kyrpad ia ka myntri ka sorkar pdeng ban iarap pisa shilak klur na ka bynta ki kam pynroi ha jylla.
U Myntri rangbah ka jylla u la pynpaw ia kane ka jingpan jingiarap na ka sorkar pdeng na ka bynta ban pyntrei ha ki kam pynroi ha ka jylla lyngba ka twitter mynta ka sngi bad kane ka jingpan jingiarap kan long na ka bynta kane ka snem mang tyngka 2022-2023.
U myntri rangbah ka jylla u la kyrpad ia ka myntri pla pisa ka sorkar pdeng ba kan pynkiew ia ka jingmang pisa na ka bynta ka jylla Meghalaya ha kaba ia dei bad ki skhim hapoh ka jylla khnang ba ka jylla kan ioh ban pyntrei ia ki skhim ha kane ka jylla.
