Shillong, Naitung 20:
Ka jingjur jong u slap ha kane ka dong shatei lam mih ngi jong ka Ri India kala wan rah ia ka jingshlei um hapoh ka Wah Bramapura bad ka um kala kynjat sha
ki bynta ba long madan jong ka West Garo Hills bad South West garo Hills ha kaba bun bah ki shnong kila ngam hapoh um.
U Zenith M Sangma u la ong ba palat shilak ngut ki briew kila shah ktah na kane ka jingkynjat ka um na ka wah Bramaputra sha Garo Hills, hynrei kaba sngewsih ka long ba ka sorkar haduh mynnin ka sngi kam pat ai kano kano ka jingbthah ban iarap ia kiba la shah ktah ha kane ka jingshlei um.
La iathuh ba u nongialam ka liang pyrshah ha ka jingleit jurip ka jong u la bthah ia ki bor jong ki District Adminstrtion ban iarap ia kine ki briew kiba la shah ktah ha kane ka jingshlei um katkum ka bor kaba ki don.
Ha ka jingshisha haba ka don kano kano ka jingshah pynjulor ha ka mariang ka sorkar ka dei ban ai ka jingiarap mardor ia kiba la shah ktah khamtam eh ba kin ioh ia ka umdih kaba khuid ba kin lait na ki jingpang.
La iathuh ba haduh mynnin ka sngi byn ki surok bad ki jingkieng kila shah rong ha ka umsaw kum ha Trikikilla, Selsella bad ka don ka jingkieng ha wah Ganol kala shah rong ha ka umsaw. La ong ba ka sorkar ka dei ban phah ia ki jingiarap mardor sha ki lano kiba la shah ktah ha kane ka jingshlei um.
