Shillong, Jymmang 20: Ka kong Idashisha Nongrang IPS kaba la shimti mynta ka sngi ia ka kam Director General ki Pulit ka jylla Meghalaya, kala kyntu ia ki samla kala ong ba haba don ka ka jingthrang lahg ban ia khun ia ka eksam Union Public Service Commission (USPC).
Ka kong Nongrang kala ong ba mynta u snem kiba pass ia ka UPSC na ka jylla Manipur ki don shiphew ngut wat ha pdeng ka jingeh kaba katei ka jylla ia ka kynduh, bad lai ngut na kiba pass dei kiba pule bad kiba pynkhreh na Shilong.
Ka DGP kala ong ban, ong ba ka Shillong kam don ia kata ka jinglah ka long kaba ym lah ban pdiang, ka dei ka jingshisha ba ka UPSC eksam katba dang mih ki sngi kala dang jwat ban ia nujor bad kaba 30 snem mynshuwa namar la bun kiba ia khun ia kane ka eksam.
Kaba kongsah eh ka long ba ki samla na kane jylla ki de ban don ia kata ka jingthrang bad ban minot namar ka rukom thoh ia ka eksamin kam pat da don kata ka jingkylla kaba haduh katta, hynrei ka jingiakhun kala dang kiew bad ban poi sha kathong hap ban trei shitom.
Kala ong ba kam dei na ka jingpule, hynrei ka jingshisha ka long hato u ne ka khynnah samla ki don ne em ia kata ka jingthrang, kam mut ba ngim don ia kata ka jinglah, hynrei ka jingduna ia kata ka mynsiem ban ia khun ia ki jingeh.
Ban ong ba ki samla na kane ka jylla Meghalaya ki kham duna kata kan nym long ka daw, hooid ka dei kaba eh bha kane ka eksam UPSC ban poi sha kata ka thong hap ban kut jingmut bad ia kata yn nym lah ban leh tang ha ka shimiet hynrei don kam ban pynkhreh bun bun snem kam dei tang khyndait por la long ka kong Idashisha Nongrang haba kyntu ia ki samla ban poi sha ka thong.
